Það er mismunandi hvaða lán henta hverjum og einum við kaup á fasteign. Til dæmis skiptir máli hvort fólk vilji hraðari eignamyndun eða lægri greiðslubyrði. Nokkur lykilatriði sem gott er að vita er munurinn á óverðtryggðum og verðtryggðum lánum, munurinn á jöfnum afborgunum og jöfnum greiðslum og muninn á föstum og breytilegum vöxtum. Hér fyrir neðan verður farið nánar í þessi atriði.
Verðtryggð lán eru almennt með lægri greiðslubyrði og lægri vexti. Verðtryggð lán eru tengd verðbólgu sem þýðir að höfuðstóll lánsins getur hækkað með verðbólgu. Yfirleitt hækkar fasteignaverð í takt við verðbólgu til lengri tíma.
Óverðtryggð lán eru almennt með hraðari eignamyndun og hærra greiðslubyrði þar sem vextir eru yfirleitt hærri heldur en á verðtryggðum lánum. Óverðtryggð lán eru hins vegar ekki tengd verðbólgu og lánið hækkar því aldrei, heldur lækkar lánið út lánstímann, þar sem það er stöðugt verið að borga inn á það.
Þegar lán er með jöfnum afborgunum þýðir það að það er alltaf borgað jafn háa upphæð af láninu, ef ekki er gert ráð fyrir verðbólgu, en greiðslurnar eru meiri í byrjun og fara lækkandi, þar sem vextirnir vega meira í byrjun.
Þegar lán er með jöfnum greiðslum þýðir það að það greiðslurnar eru alltaf þær sömu en afborganir af láninu byrja lágt og fara hækkandi.
Fastir vextir vernda þig gegn sveiflum á markaði þar sem þú getur bundið vexti í 36 til 60 mánuði. Fastir vextir eru almennt hærri en breytilegir vextir.
Breytilegir vextir sveiflast upp og niður með markaðnum og efnahagsástandi og taka mið af vaxtatöflu hverju sinni.
Ef þú fræðast meira um lán, þá mælum við með að hafa samband við þinn banka og fá ráðgjöf varðandi hvaða lán er best að taka.
