Íbúum á Íslandi er að fjölga hratt en höfundar íbúðaþarfagreiningar telja að byggja þurfi allt að 5.000 íbúðir árlega næstu árin til að mæta íbúðaþörf vegna þessarar fjölgunar. Þetta kemur fram í íbúðaþarfagreininu á vef HMS.
Merki eru um að þörf fyrir húsnæði sé að aukast þrátt fyrir að hægar gangi nú að selja íbúðir en oft áður. Það er þó líf á fasteignamarkaði og íbúðir eru að seljast en það tekur bara aðeins lengri tíma.
“Íbúðaþörf er reiknuð út frá fólksfjölda og hversu margir eru að meðaltali um hverja íbúð. Íbúðaþörfin getur því aukist jafnvel þótt versnandi lánamöguleikar dragi tímabundið úr eftirspurn eftir íbúðum. Uppsöfnuð þörf geti á skömmum tíma umbreyst í mikla eftirspurn eftir húsnæði,” segir í greiningunni.
Ertu í söluhugleiðingum? Smelltu hér til að fá frítt söluverðmat
Einnig hefur verulega dregið úr nýjum framkvæmdum að undanförnu. Aðeins hefur verið hafið bygging á 768 íbúðum á landinu öllu frá því í mars á þessu ári og fram í september, miðað við 2.575 íbúðir á sama tímabili í fyrra. Þetta er ríflega 70% samdráttur í byggingu nýrra íbúða.
Ef þessar spár um íbúðaþörf reynast sannar getur fasteignamarkaður verið fljótur að breytast breyst í seljendamarkað á stuttum tíma þar sem íbúðir seljast hratt.
