Framboð íbúða til sölu dróst saman í desember eftir samfelldan vöxt allt síðasta ár en um 3.300 íbúðir eru til sölu á landinu öllu. Um 2.000 íbúðir eru til sölu á höfuðborgarsvæðinu og dróst hlutfallið mest saman þar. Þetta kemur fram í mánaðarskýrslu HMS.
Ef framboð íbúða heldur áfram að dragast saman mun það hafa hækkandi áhrif á fasteignamarkað, en erfitt er að segja til um hvort þessi þróun haldi áfram þar sem þetta hefur aðeins gerst í eitt skipti.
Ertu í söluhugleiðingum? Smelltu hér til að fá frítt söluverðmat
Nýjar íbúðir 3.079 á árinu 2023
“Á síðasta ári urðu 3.079 nýbyggðar íbúðir fullbúnar. Til viðbótar hafði íbúðum fjölgað um 378 og fjölgaði því fullbúnum íbúðum um 3.457 á árinu. Fjölgun umfram nýjar íbúðir skýrist að mestu annars vegar af íbúðum sem gerðar hafa verið í eldri byggingum sem áður voru nýttar til annarra nota og hins vegar af yfirferð HMS á gögnum í fasteignaskrá, þar sem leiðrétt er skráning íbúða sem urðu fullbúnar fyrir allnokkru. Af 201 íbúð sem kom ný inn á markað í desember eru 140 á höfuðborgarsvæðinu, 27 í nágrenni þess, þar af 18 í Sveitarfélaginu Árborg og 34 annars staðar á landinu, þar af 15 á Akureyri,” segir í skýrslunni.
Sjá einnig: Íbúðaverð hækkar fimmta mánuðinn í röð
Litlar íbúðir seljast hraðar en aðrar íbúðir
Mesta eftirspurnin er eftir litlum íbúðum en rúmlega 17% íbúða undir 80 fm. sem voru til sölu 1. nóv. seldust innan mánaðarins en hlutfallið var tæplega 10% á sama tíma árið 2019.
