Vellirnir í Hafnarfirði er hverfi sem hefur verið í mikilli uppbyggingu síðustu misseri. Í hverfinu opnaði nýr skóli 2017, Krónubúð var sett á laggirnar og ný World Class stöð opnaði 2019.
Fermetrasöluverð á sérbýli er búið að hækka um 12,46% að meðaltali á ári síðustu 5 ár og fermetrasöluverð á fjölbýli er búið að hækka um 10,15% að meðal tali á ári síðustu 5 ár.
Leiguverð hefur hækkað um 9,21% að meðaltali síðustu 5 ár.
Í hverfinu er verið að byggja margar nýjar fasteignir og svo var einnig hleypt umferð á tvöfalda Reykjanesbraut þriðjudaginn 24. nóvember 2020, sem mun auka umferðarflæði og gera fólki auðveldara að komast inn og úr hverfinu.
Hægt er lesa betur um tvöfalda Reykjanesbraut hér: https://www.hafnarfjordur.is/ibuar/skipulag/reykjanesbraut-framkvaemdir/
Einnig er verið að byggja Ásvallarbraut sem mun liggja frá Skarðshlíð yfir í Ásland. Hægt er að lesa betur um Ásvallarbraut hér: https://www.hafnarfjordur.is/ibuar/framkvaemdir/asvallabraut/
Fjöldi íbúa í póstnúmerinu 221, sem eru Vellirnir, Ásland og Setberg, fór úr 3.616 árið 2001 í 11.710 árið 2020.
Á Völlunum er einnig að finna Ásvelli, íþróttaheimili Hauka og fullt af fyrirtækjum eins og Terra, Múrbúðin, Icelandair skrifstofurnar, Vegagerðin og mörg fleiri.
Hægt er að lesa betur um hverfið hér: https://www.hafnarfjordur.is/ibuar/hverfaskipting/vellir/
Ég er mjög spenntur fyrir þessu hverfi og hvernig það mun þróast í framtíðinni!
