Þegar COVID-19 faraldurinn skall á fyrir um ári síðan hóf Seðlabankinn að lækka vexti til að halda áfram að örva hagvöxt, þrátt fyrir erfiða tíma.
Í kjölfarið hefur íbúðasala aukist verulega, sölutími styst og sífellt algengara er að íbúðir seljist yfir ásettu verði, en eins segir og í frétt sem við birtum 21. apríl síðastliðinn þá hafa aldrei verið fleiri kaupsamningar á fasteignamarkaði í einum mánuði. Hægt er að lesa fréttina hér: Aldrei fleiri kaupsamningar á fasteignamarkaði.
Eftirspurnin virðist vera meiri en þörfin þar sem miðað við stöðuga mannfjöldaþróun þurfa um 1.700 íbúðir að komast á það byggingarstig að verða fokheldar á ári hverju til að mæta þessari þörf. Á síðustu tveimur árum hafa yfir 3.000 íbúðir komist á það stig á ári hverju, sem eru 1.300 fleiri íbúðir en hagfræðideild Landsbankans telur að þurfi til að mæta þörf.
Þetta gæti því gert það að verkum að fasteignaverð lækki verulega þegar faraldrinum lýkur.
Hægt er að lesa Hagsjána í heild sinni hér: Hagsjá Landsbankans
