Vísitala leiguverðs á höfuðborgarsvæðinu lækkaði um 0,8% á milli mánaða frá ágúst til september 2021 samkvæmt nýjustu tölum Þjóðskrár.
Síðastliðna 3 mánuði hækkaði vísitalan um 2,4% og síðastliðna 12 mánuði hækkaði hún um 2,6%.
Sjá einnig: Viljinn til að leigja húsnæði fremur en að búa í eigin húsnæði eykst á milli ára.
Í leigugagnagrunni Þjóðskrár eru 951 samningar, sem þinglýst var í september 2021. Við úrvinnslu talnaupplýsinga um leiguverð var leigusamningum sem eru eldri en 60 daga við þinglýsingu, samningum þar sem herbergjafjöldi íbúða er ekki þekktur, samningum um félagslegar íbúðir o.fl. sleppt. Talnaupplýsingar um leiguverð í september 2021 eru því unnar upp úr 705 leigusamningum sem þinglýst var í september 2021.
Eftirfarandi tafla sýnir meðalleiguverð á hvern fermetra í september 2021 fyrir mismunandi stærðir íbúða og staðsetningu.
Staðsetningarnar eru: Reykjavík, vestan Kringlumýrarbrautar og Seltjarnarnes, Reykjavík milli Kringlumýrarbrautar og Reykjanesbrautar, Kópavogur, Garðabær og Hafnarfjörður, Grafarvogur, Grafarholt, Árbær, Norðlingaholt og Úlfarsárdalur, Breiðholt, Kjalarnes og Mosfellsbær, Suðurnes, Vesturland, Vestfirðir, Norðurland nema Akureyri, Akureyri, Austurland og Suðurland.
