Alls voru 603 kaupsamningar um sumarhús og lóðir undirritaðir í fyrra samkvæmt gögnum Þjóðskrár. Þetta er metfjöldi en hann hefur nærri því tvöfaldast frá því sem var árið 2019 en þá voru ríflega 300 kaupsamningar undirritaðir. Þetta kemur fram í Hagsjá Landsbankans.
Það sem veldur þessu eru líklegast lægri vextir, aukinn sparnaður og færri ferðalög til útlanda síðustu tvö árin.
Sumarhús vinsælli nú en í síðustu uppsveiflu á
íbúðamarkaði
“Mikið hefur verið rætt um áhrif lægri vaxta og
faraldursins á kauphegðun fólks á íbúðamarkaði, en
áhrifin á markað fyrir sumarhús eru ef til vill
hlutfallslega sterkari. Aukningin í fjölda seldra
sumarhúsa mældist 58% milli áranna 2019 og 2020
og 21% milli 2020 og 2021. Á sama tíma var
aukningin í fjöldi seldra íbúða 17% milli áranna
2019 og 2020 og 10% milli 2020 og 2021,” segir í hagsjánni.
Hófleg uppbygging sumarhúsa
Á síðustu árum hafa 100-200 ný sumarhús bæst við gagnagrunn Þjóðskrár á ári sem byggir á skráningum byggingarfulltrúa, en síðustu áramót voru 14.700 sumarhús á landsvísu skráð í gagnagrunninn. Mesta uppbyggingartímabilið sem gögn ná til var á árunum 2006-2008 þegar að jafnaði 538 ný sumarhús bættust við gagnagrunninn á ári hverju og var vöxturinn í kringum 5% árlega.
