Áformað er að hefja stafræna þinglýsingu íbúðalána í sumar.
Hægt er að lesa betur um þetta hér.
Andri Heiðar Kristinsson, framkvæmdastjóri hjá Strafænu Íslandi, segir eftirfarandi í viðtali við Morgunblaðið: “Búið er að ljúka aflýsingum sem er fyrsti áfanginn og bankarnir eru farnir að aflýsa lánum rafrænt. Síðan var nýlega lokið við annan áfanga í verkefninu sem eru rafrænar þinglýsingar vegna skilmálabreytinga lána í tengslum við kórónuveirufaraldurinn.
Svo erum við komin vel á veg með þriðja og stærsta áfangann sem varðar nýja samninga við endurfjármögnun og kaup á íbúðalánum ásamt kaupum á bifreiðum. Þetta er því á góðu róli og ætti að vera klárt á allra næstu mánuðum. Markmiðið er að þessu verði lokið fyrir sumarið en gæti þó reynst eitthvað tímafrekara. Margir gefa því kannski ekki gaum en aflýsingar lána, þegar búið er að greiða upp lán, eru ótrúlega stór hluti af þinglýsingarferlinu. Það flýtir því fyrir afgreiðslu á öðrum þinglýsingum að þessum áfanga sé lokið.”
Andri Heiðar telur einnig að gamla fyrirkomulagið – þ.e.a.s. að fara til fasteignasölu og undirrita skjöl sem síðan eru afhent sýslumanni, sé að líða undir lok. Þá verður hægt að gera allt ferlið stafrænt frá a-ö fyrir þá sem það kjósa og að þessum áfanga verði líklega náð í ár.
