Fasteignamarkaðurinn skiptist í að vera seljendamarkaður og kaupendamarkaður, og það er í rauninni margt sem hefur áhrif á það.
Seljendamarkaður er þegar það er meiri eftirspurn eftir eignum heldur en framboð og þá er kjörið tækifæri fyrir seljendur að selja sína eign. Í seljendamarkaði fá seljendur betra verð fyrir eignina sína en seljendamarkaður getur t.d. verið út af launahækkunum, skorti á fasteignum eða þegar vextir lækka.
Kaupendamarkaður er þegar það er meira framboð af eignum heldur en eftirspurn og þá er kjörið tækifæri fyrir kaupendur að gera góð kaup. Á kaupendamarkaði þurfa kaupendur ekki að keppast eins mikið við aðra kaupendur til að kaupa eign en kaupendamarkaður getur t.d. verið út af launalækkunum, offramboð á fasteignum eða þegar vextir hækka.
Það skiptir einnig máli upp á söluverðmat eignar hvort það sé seljenda- eða kaupendamarkaður.
