Seðlabankinn heldur vöxtum óbreyttum
Peningastefnunefnd ákvað 20. ágúst 2025 að halda meginvöxtum áfram í 7,50%. Verðbólga mældist 4% í júlí, nefndin gerir ráð fyrir að hún taki tímabundið upp á ný næstu mánuði áður en hún hjaðnar á næsta ári. Eftirspurn hefur kólnað og spennan í hagkerfinu minnkað, en launahækkanir og verðbólguvæntingar eru enn yfir markmiði – því er ekki tækifæri til að slaka á raunvaxtaaðhaldi að svo stöddu.
Íbúðaverð í hægagangi
Samkvæmt HMS hækkaði vísitala íbúðaverðs um 0,27% milli mánaða í júlí og hefur þá hækkað um 4,2% á síðustu 12 mánuðum. Raunhækkun síðustu 12 mánaða er þó aðeins 0,18%, og á höfuðborgarsvæðinu lækkaði íbúðaverð lítillega að raunvirði á milli júlí 2024 og 2025 – í fyrsta sinn síðan í mars 2024.
Hér er hægt að sjá þróun vísitölu íbúðaverðs síðastliðna 12 mánuði:
Sjá einnig: Rafbók um fasteignamarkaðinn.
Leiguverð hækkar mest
Vísitala leiguverðs á höfuðborgarsvæðinu hækkaði um 1,38% á milli mánaða í júlí. Vísitalan hækkaði um 5,15% á milli júlímánaða 2024 og 2025, sem þýðir að vísitala leiguverðs hefur hækkað meira en verðbólga (4%) og vísitala íbúðaverðs (4,2%) á síðustu 12 mánuðum.
