Mánaðarvelta fasteigna í janúar 2022 var 52.030 milljónir króna eða rúmlega 52 milljarðar. Mánaðarvelta á höfuðborgarsvæðinu var 38.108 milljónir króna eða rúmlega 38 milljarðar.
Þetta kemur fram í frétt á vef Þjóðskrár.
Sjá einnig: Mikill samdráttur í framboði íbúða en salan haldist góð
Fjöldi kaupasamninga í janúar 2022 voru 531 á höfuðborgarsvæðinu en þar af voru 78 kaupsamningar á sérbýli, 400 kaupsamningar á fjölbýli, 50 kaupsamningar á atvinnuhúsnæðum, 1 kaupsamningur á sumarhúsum og 2 kaupsamningar sem flokkast undir annað.
Fjöldi kaupsamninga voru 864 um land allt. Þar af voru 196 kaupsamningar á sérbýli, 547 kaupsamningur á fjölbýli, 84 kaupsamningar á atvinnuhúsnæðum, 18 kaupsamningar á sumarhúsum og 19 kaupsamningar sem flokkast undir annað.
Þegar janúar 2022 er borinn saman við desember 2021 fækkar kaupsamningum um 34,7% og velta lækkar um 38,4%. Á höfuðborgarsvæðinu fækkaði samningum um 36,3% á milli mánaða og velta lækkaði um 37,6%.
