Þinglýst var 74 skjölum (kaupsamningum og afsölum) um atvinnuhúsnæði á höfuðborgarsvæðinu í júní 2021. Heildarfasteignamat seldra eigna var 4.884 milljónir króna.
Þetta kemur fram í frétt á vef Þjóðskrár.
Þar af voru 46 kaupsamningar um atvinnuhúsnæði á höfuðborgarsvæðinu skráðir í kaupskrá. Heildarupphæð þeirra var 5.388 milljónir króna og fasteignamat þeirra eigna sem samningarnir fjölluðu um 3.456 milljónir króna.
Sjá einnig: Fasteignamarkaðurinn farinn að valda áhyggjum.
Á sama tíma var þinglýst 45 skjölum (kaupsamningum og afsölum) um atvinnuhúsnæði utan höfuðborgarsvæðisins. Heildarfasteignamat seldra eigna var 1.438 milljónir króna.
Þar af voru 31 kaupsamningur um atvinnuhúsnæði utan höfuðborgarsvæðisins skráðir í kaupskrá. Heildarupphæð þeirra var 1.396 milljónir króna og fasteignamat þeirra eigna sem samningarnir fjölluðu um 1.145 milljónir króna.
