Íbúðum til sölu heldur áfram að fækka, sölutími íbúða er stuttur og hátt hlutfall íbúða selst yfir ásettu verði. Umsvif hafa hins vegar dregist saman og ástæðuna má benda til þess að færri íbúðir séu til sölu. Þetta kemur fram í mánaðarskýrslu Húsnæðis- og mannvirkjastofnun fyrir desember.
Hér er hægt að sjá fjölda auglýstra eigna frá 2018:
Óverðtryggðir vextir hækka en verðtryggðir lækka
“Seðlabankinn hækkaði stýrivexti um hálft prósentustig um miðbik nóvember mánaðar. Vaxtahækkunin varð til þess að vextir á bæði föstum og breytilegum óverðtryggðum vöxtum hækkuðu. Hækkunin var meiri hjá bönkunum í desember en miðgildi breytilegra óverðtryggðra vaxta hjá bönkunum hækkaði um 0,35 prósentustig á meðan það hækkaði um 0,25 prósentustig hjá lífeyrissjóðunum. Hliðstæð hækkun fastra óverðtryggðra vaxta var 0,21 prósentustig hjá bönkunum og 0,1 prósentustig hjá lífeyrissjóðunum. Verðtryggðir vextir lækkuðu hins vegar eða stóðu í stað í desember. Vaxandi munur á verðtryggðum og óverðtryggðum vöxtum gæti leitt til þess að það dragi úr ásókn í óverðtryggð lán á næstu misserum,” segir í skýrslunni.
Vísitala leiguverðs á föstu verðlagi lækkar
Greidd leiga var að meðaltali 193.000kr á höfuðborgarsvæðinu í október, 163.000kr. í nágrenni þess og 151.000kr. á landsbyggðinni. 12 mánaða breyting á vísitölu leiguverðs á föstu verðlagi lækkaði eða stóð í stað.
